Fyrsta vetrarmót ársins og það fyrsta í rúmlega tvo mánuði fór fram á Hlíðavelli í gær við mikla ánægju þátttakenda.  Það voru 28 kátir félagar sem tóku þátt og léku 11 holur að þessu sinni þar sem bleyta kom í veg fyrir að 1., 17. og 18. væru notaðar og síðan voru 4 nýjustu holurnar á nesinu hvíldar.  Það er skemmst frá því að segja að Þórhallur Kristvinsson sigraði í höggleiknum á 45 höggum eða tveimur yfir pari og Haukur Hafsteinsson í punktakeppninni á 24 punktum.  Annars urðu helstu úrslit þessi:

Höggleikur:
1. Þórhallur Kristvinsson, 45 högg
2. Kjartan Ólafsson, 48 högg
3. Bragi Jónsson, 50 högg

Punktakeppni m/forgjöf:
1. Haukur Hafsteinsson, 24 punkta
2. Snorri Pétursson, 23 punkta
3. Páll Ásmundsson, 21 punkt

Næsta mót verður vonandi n.k. laugardag og verður látið vita í vikunni ef það verður hið árlega Þorramót.  Allavega verður það mót næst eða þar næst.