Kristófer sigraði á Nesinu og Elís Rúnar fór holu í höggi á Garðavelli

Um síðastliðna helgi voru 17 Kjalarunglingar við keppni á bæði Arionbanka mótaröð unglinga á Akranesi og Áskorendamótaröð unglinga sem fór fram hjá Nesklúbbnum.

Kristófer Karl Karlsson sigraði sinn flokk á Áskorendamótaröðinni. Hann lék hringinn á glæsilegum 77 höggum og endaði tveimur höggum á undan næsta manni. Frábær árangur hjá Kristófer sem verður 11 ára seinna á árinu en lék í flokki 14 ára og yngri.

Á laugardeginum fór fram fyrri hringur í Arionbanka mótaröð unglinga á Akranesi. Þar náði Elís Rúnar Elísson draumahöggi allra kylfinga þegar hann fór holu í höggi á 8. braut vallarins. Elís notaði 6-járnið í höggið.

Gaman er að minnast á það að þeir 17 unglingar sem kepptu um helgina lækkuðu forgjöfina sína samtals um tæpa 10 heila. Þeir sem lækkuðu í forgjöf voru.

• Ragnar Már Ríkarðsson - 44 punktar
• Kristófer Karl Karlsson - 43 punktar
• Björgvin Franz Björgvinsson - 41 punktur
• Elís Rúnar Elísson - 41 punktur
• Björn Óskar Guðjónsson - 39 punktar
• Sverrir Haraldsson - 37 punktar 

Frábær helgi hjá unglingunum okkar og óskum við þeim innilega til hamingju með árangurinn.