Nýr sex holu par 3 æfingavöllur á æfingasvæði bak við vélaskemmu GKJ

Það er búið að opna nýja æfingavöllinn á æfingasvæðinum fyrir aftan vélaskemmuna. Það voru vallarstarfsmenn sem tóku forskot og vígðu völlinn síðastliðinn miðvikudag. Þetta er upplagt fyrir börn og nýja golfara að koma og leika þennan völl endurgjaldlaust, aðeins þarf að fara í golfskála og gefa sig fram og fá leiðbeiningu hvernig á að komast útá svæðið. Þeir sem fara fótgangandi frá skála geta tekið göngustíg meðfram 2. braut og gengið upp á svæðið milli 4. flatar og 5. teigs. Þeir sem eru akandi þurfa að fara í áttina að vélaskemmu og keyra meðfram 12. braut og leggja á malastæði þar sem 1. hola vallarins er staðsett. Þetta á eftir að vera mikil lyftistöng fyrir þá sem eru leiðir á að standa á sama stað og æfa stutta spilið. Þá er einnig búið að taka í notkun æfingabraut sem nýtist afrekskylfingum bæði ungum sem öldnum.  Hægt að sjá myndir í albúmi hér á gkj.is